بسرعه كده يا جماعه انا بس عايز اتكلم كلمتين طبعا الايام دى ايام مفترجه وخلاص رمضان مروح بس يا ريت كلنا مننساش ليله القدر يعنى انا عارف كله مشغول والكليات والدراسه والشباب طبعا بعد الفطار على القهوه وبيظبطو لنزوله العيد وطبعا اكيد البنات اليومين دول مشغولين برضه وكل يوم بينزلو علشان يشترو هدوم وكده بس يا جماعه دى ليله واحده فضلها فضل 83 سنه عباده والله حرام نضيعها من ادينا فعايز اقول لكل شاب ولنفسى انا كمان يا ريت نتمسك قوى باننا منضيعش فضلها السنه دى من ادينا كترو قوى يا جماعه من القرآن ويا ريت اللى يقدر يصلى التهجد ويا سلام بقى لو تعرف شيخ كويس وقرايته للقرآن جامده وبيخليك تركز معاه وتنزل تصلى معاه فى الجامع.....بجد يا جماعه يا ريت نتمسك قوى بثواب ليله القدر ولو وانت بتقرى التوبيك ده دلوقتى وفاضى قوم صلى شويه واقرالك شويه قرآن وارجع تانى صدقنى ممكن ساعه على النت متفرقش معاك خالص لكن فى الاخره ممكن الساعه دى تكون سبب فى دخولك الجنه.....دعوه خاصه لكل شباب الاسكندريه اللى يقدر يروح جامع القائد ابراهيم فى محطه الرمل عند الشيخ حاتم يا ريت بجد حيحب صلاه التهجد جدا ولو راح مره حيروح كل يوم ويا ريت يلم صحابه وقرايبه واهله كمان ويروحو لان بجد الجو ده فى العباده بيبقى طعمه حلو قوى وحتكسب ثواب اكتر وربنا يجازيكو الف خير.....انا حانزل بقى بسرعه علشان الحق الصلاه
www.mohba.ahlamontada.com